Samtök skattgreiðenda hafa á undanförnum mánuðum unnið að rannsókn á fjölda stöðugilda og fjölda starfsfólks hjá ríki og sveitarfélögum. Í þessari vinnu hafa komið fram upplýsingar sem staðfesta alvarlega bresti í upplýsingagjöf hins opinbera, bæði hvað varðar skráðan fjölda stöðugilda og fjölda starfsmanna. Endanleg niðurstaða verkefnisins liggur ekki fyrir, en gera má ráð fyrir því að tölur hins opinbera, um umfang starfsemi sinnar, séu vanmetnar um tugi prósenta, bæði hjá ríki og hjá sveitarfélögum. Reynist þetta rétt, er um að ræða verulegan og alvarlegan trúnaðarbrest milli stjórnvalda og skattgreiðenda. Samtökin vinna nú að því fullum krafti að fá fram réttar upplýsingar og munu kynna niðurstöður sínar jafn óðum og þær liggja fyrir.
Alvarlegur trúnaðarbrestur milli stjórnvalda og skattgreiðenda
