Samtök skattgreiðenda hafa sent sex ráðuneytum erindi þar sem óskað er eftir afriti ársreikninga sem hefur ekki verið skilað á vefsvæðið arsreikningar.rikisreikningur.is fyrir árið 2018. Beiðnin snýr að ársreikningum 26 fjárlagaliða sem hefur ekki verið skilað ef marka má upplýsingar sem fram koma á vefsvæðinu. Fjárlagaliðirnir eru eftirfarandi.
Mennta- og barnamálaráðuneyti:
- 02 199 – Ráðstöfunarfé
- 02 203 – Raunvísindastofnun Háskóla Íslands
- 02 452 – Fræðslu- og símenntunarstöðvar
- 02 919 – Söfn og menningarminjar
Dómsmálaráðuneyti:
- 06 205 – Landsréttur
- 06 303 – Ríkislögreglustjóri
Félags- og vinnumarkaðsráðuneyti og Heilbrigðisráðuneyti saman, vegna fyrirrennara ráðuneytisins, Velferðarráðuneyti:
- 08 206 – Sjúkratryggingar
- 08 211 – Bætur vegna veikinda og slysa
- 08 336 – Jafnréttissjóður Íslands
- 08 379 – Sjúkrahús, óskipt
- 08 383 – Sjúkrahótel
- 08 403 – Öldrunarstofnanir, daggjöld
- 08 447 – Sóltún, Reykjavík
- 08 507 – Heilsugæslustöðvar samkvæmt reiknilíkani
- 08 791 – Heilbrigðisstofnun Suðurnesja
- 08 851 – Atvinnuleysistryggingasjóður
- 08 851 – Tryggingasjóður sjálfstætt starfandi einstaklinga
- 08 852 – Ábyrgðasjóður launa
Fjármála- og efnahagsráðuneyti:
- 09 250 Innheimtukostnaður
- 09 901 Framkvæmdasýsla ríkisins
- 09 973 Tapaðar kröfur og tjónabætur
- 09 998 Varasjóðir málaflokka
Innviðaráðuneyti:
- 10 512 Póst og fjarskiptastofnun
- 10 513 Jöfnunarsjóður alþjónustu
Umhverfis-, orku, og loftslagsráðuneyti:
- 14 151 Úrskurðarnefnd umhverfis og auðlindamála
- 14 190 Ýmis verkefni
Eins og Samtökin hafa nýlega sagt frá [1] [2], virðist nokkur misbrestur vera á því að stofnanir ríkisins hafi skilað ársreikningum – samþykktum af forstöðumönnum, í kringum árið 2017. Beiðni Samtakanna nú beinist fyrst og fremst að því að kanna í hve mörgum tilvikum það sé skýringin á því að ársreikningum hafi ekki verið skilað á vefinn.
Starfsemi Samtaka skattgreiðenda er rekin fyrir mánaðarlega styrki almennings. Ef þú vilt koma í hóp velgjörðarmanna okkar, er hægt að styrkja samtökin hérna eða senda okkur póst til að fá nánari kynningu á starfseminni á upplysingar@skattgreidendur.is
